Wakaaladaha wararka ee Ruushka ayaa maanta oo Khamiis ah soo wariyay in 3 boolis ah lagu dilay 8 kalana lagu dhaawacay rasaas ay isweydaarsadeen rag hubeysan oo ka dhacay Jamhuuriyadda Ingushetia ee gobolka Caucasus ee Ruushka.
Hay’adaha “RIA Novosti” iyo “Interfax”, oo soo xiganaya ilo bilayska, ayaa sheegay in rasaas la isweydaarsaday fiidnimadii Arbacada “intii lagu jiray hawlgal ka dhan ah argagixisada” ee gobolka Malgobek.
Related posts
Wararka ayaa intaasi ku daraya in howlgalka uu bilowday kadib markii koox tuugo ah ay gabaad ka dhigteen guri ku yaal mee baadiyo ah oo ku yaala Zyazikov-Yurt kadibna ay rasaas ku fureen booliska.
Hawlgalka ayaa bilowday ka dib markii rag hubeysan ay weerareen, dhamaadkii bishii March, saldhig booliis oo ku yaala xuduudka u dhexeeya Ingushetia iyo North Ossetia, oo dhaawacay sarkaal bilays ah, sida ay sheegtay wakaaladda RIA Novosti.
Jamhuuriyadda Ingushetia ee Ruushka waxa ay ku taallaa gobolka Caucasus, iyadoona xigta Chechnya, waxana xilliyada qaar ka dhaca weeraro soo noq-noqonda.
