Xafiiska Hantidhawrka Guud ee Qaranka ayaa caawa soo agaasimay kulan afur-wadareed ah oo ay ka soo qaybgaleen qaybaha kala duwan ee bah-wadaagta Xafiiska.
Kulanka ayaa qayb ka ah dadaallada uu xafiisku ugu jiro xoojinta xiriirka wada-shaqayn iyo iskaashi ee kala dhexeeya qaybaha kala duwan ee bulshada oo door-wayn ka ciyaara adkaynta isla-xisaabtanka, daah-furnaanta iyo dowlad wanaagga.
Afur wadareedka ayaa waxaa ka soo qaybgalay xildhibaanno ka tirsan guddiga Maaliyadda ee labada Aqal ee Barlamaanka JFS, Maamulka Gobolka Benaadir, Xisaabiyaha Guud ee Qaranka, Guddoomiye ku-xigeenka Bangiga Dhexe, Ururka Bangiyada, Ururrada Bulshada Rayidka, Culimada, Aqoonyahannada, Saxaafadda, Qareennada iyo marti sharaf kale.
