Wasiirka Wasaaradda Caafimaadka Xukuumadda Federaalka Soomaaliya Mudane Dr. Cali Xaaji Aadan Abubakar oo uu wehlinayo Danjiraha dowladda Soomaaliya ee dalka Hindiya Mudane Axmed Cali Daahir ayaa kulan gaar ah la qaatay Wasiirka Wasaaradda caafimaadka iyo daryeelka qoyska ee dowladda Hindiya Mudane Mansukh Mandaviya.
kulanka labada Wasiir ayaa looga hadlay arrimo aad muhiim ugu ah labada dal oo ay kamid yihiin, iskaashiga labada dal ee dhinacyadda, horumarinta, caafimaadka, kor u qaadida kaabayaasha,caafimaadka, tababarrada shaqaalaha caafimaadka, tayada daawada iyo isticmaalka qalabka, Tignoolojiyada si loo hormariyo adeegyada caafimaadka.
Sidoo kale labada mas’uul ayaa isla gartay in loo baahan yahay in la fududeeyo howalaha,safarka,caafimaadka ay ee dadka Soomaaliyeed ku yimaadan dalkan Hindiya.
Wasiirka dowladda Soomaaliya ayaa dhigiisa Hindiya kala hadlay ugu dambeyn in ay muhiim tahay in dadka Soomaaliyeed ay helaan adeeg caafimaad oo tayadiisa la hubo islamarkaana dhameystiraan.
