Hoggaanka Baarista Dembiyada iyo Qeybta Guud ee Booliska Gobolka Banaadir oo iskaashanaya, ayaa howlgal ay ka sameeyeen Degmada Dayniile waxa ay gacanta ku dhigeen eedeysane ka tirsan Khawaarijta oo watay walxaha qarxa.
Howlgalka ayaa waxa uu ka dhacay xaafadda War-laliska ee degmada Deyniile, waxaana ay Ciidamada ku guuleysteen inay gacanta ku dhigaan eedeysanaha oo lagu magacaabo Xasan Nuur Cali, kaasi oo walxaha qarxa ku waday Mooto Bajaaj gaduud ah, oo uu rabay inuu ku dhibaateeyo shacab aan waxba galabsan.
Ciidanka Booliska Soomaaliyeed ayaa ka hortagay oo fashiliyay inuu waxyeelo ugeysto shacabka, iyagoo halkaas ku qarxiyay miinadii uu watay dhagarqabaha.
