Guddoomiye Ku-xigeenka Maamulka iyo Maaliyadda Gobolka Banaadir Mudane Ciise Guure, ayaa xilka u kala wareejiyay Agaasimihii hore ee Waaxda Shaqada iyo Shaqaalaha Gobolka Banaadir iyo Agaasimaha cusub ee waaxdaasi.
Agaasimaha Cusub ee Waaxda Shaqada iyo Shaqaalaha Maamulka Gobolka Banaadir iyo Dowladda Hoose ee Xamar Mudane Xuseen Cabdullaahi Xasan, ayaa xilka kala wareegay Agaasimihii hore ee Waaxdaasi Mudane Muuse Sheekh Cali Eybakar.
Related posts
Munaasabada xil-wareejinta oo ka dhacday Aqalka Dowladda Hoose ee Xamar, ayaa waxaa goobjoog ka ahaa Agaasimeyaal Guud, Agaasime Waaxeedyo iyo howlwadeenno kale oo ka tirsan Maamulka Gobolka Banaadir iyo Dowladda Hoose ee Xamar.
Gaba-gabadii Munaasabada, ayaa waxaa hadal kooban oo isugu jirtay Mahadcelin iyo dardaaran halkaasi ka jeediyay Guddoomiye Ku-xigeenka Maamulka iyo Maaliyadda Gobolka Banaadir Mudane Ciise Guure, oo ugu mahadceliyay Agaasimihii hore ee waaxda shaqada iyo shaqaalaha howlihii adkaa ee uu kasoo qabtay xafiiskaasi, Asigoona dhinaca kale kula dar-daarmay Agaasimaha cusub ee Waaxda in la dardar-geliyo howlaha xafiiska shaqada iyo shaqaalaha oo ka mid ah Xafiisyada ugu muhiimsan Maamulka Gobolka Banaadir iyo Dowladda Hoose ee Xamar.
