Munaasabaddaan ayaa lagu soo bandhigay horumarka iyo guulaha laga gaaray howlaha cilmi baarista Caafimaadka guud ee dalka oo dhan, iyada oo laga soo saaray natiijooyin faahfaahsan oo lagu hagayo siyaasad dejiyaasha iyo khubarrada Soomaaliyeed.
Munaasabadda waxaa ka soo qayb galay wafdi ka socday Ha’adda Caafimaadka Adduunka ee (WHO) oo ay hogaaminayeen Dr Malik Rahman, wakiilka WHO ee Soomaaliya, iyo Altaf Musani, madaxa maareynta musiibooyinka, qaar ka mid ah agaasimayaasha wasaaradda caafimaadka iyo howlwadeennada Machadka Caafimaadka Qaranka.
