Wasiirka Wasaaradda Caafimaadka iyo daryeelka bulshada Xukuumadda federaalka Soomaaliya Dr. Cali Xaaji Aadam ayaa maanta deeq Xoolo nool ah oo loogu talagalay Ciimadamada Qaranka ku wareejiyey Wasaaradda Amniga.
Xoolahan ayey Wasaaradda Caafimaadka iyo daryeelka bulshada Xukuumadda Federaalka Soomaaliya ugu talagashey in ay kaga qeyb qaadato dhiiragellinta Ciidamada Qaranka gaar ahaan Ciidan har iyo habeen u taagan nabadgelyada Caasimadda.
Wasiirka Wasaaradda Caafimaadka Soomaaliya Dr Cali Xaaji Aadan ayaa labo Neef oo Geel ah ku wareejiyey Wasiiru-dowlaha Wasaaradda Amniga Xukuumadda Federaalka Soomaaliya Mudane Maxamed Cali Xagaa si loo sii dhiira galleyo Ciidankeena dhaxda u xirtay sugidda Amaanka Caasimadda oo tan iyo markii la magacaabay isbedal wayn uu ku yimid Amniga.
Maxamed Cali Xagaa Wasiiru-dowlaha Wasaaradda Amniga ayaa ka mahadceliyey deeqda Wasaaradda Caafimaadka iyo daryeelka bulshada Xukuumadda Federaalka Soomaaliya ay soo gaarsiisay Ciidamada sida gaarka ah ugu taagan Aminiga Caasimadda.
Wasaaradda Caafimaadka iyo daryeelka bulshada Xukuumadda Federaalka Soomaaliya ayaa waxay dhiira gellinaysaa guud ahaan Ciidamada Qalabka sida oo markasta u taagan xaqiijinta Amniga iyo bedbaadinta bulsho waynta Soomaaliyeed.
