Bayaan ka soo baxay Masar ayaa lagu cambaareeyay falkii ciidamada Israa’iil ay maanta ka geysteen dhulka falastiiniyiinta, kuwaasi oo ay ku dileen13 qof oo ay ku jireen 4 carruur ah, kadib duqeymo xagga cirka ah oo ay ka fuliyeen marinka Qaza gelinkii hore ee maanta.
Bayaankan oo ay si gaar ah u soo saartay Wasaaradda arrimaha dibadda Masar, ayay Qaahira ku cabareeysay duqeymahii ay maanta Ciidamada Israa’iil ku qaadeen magaalooyinka Falastiiniyiinta ee dhaca Daanta Galbeed.
Weerarkan Duqeymaha ah ayaa waxaa ku geeriyooday 13 falastiiniyiin ah tobanaan kalena way ku dhaawacmeen.
Ilo wareedyo ayaa sheegaya in duqeymahan Ciidamada Israa’iil ay la beegsadeen guryo ay lahayeen xubno ka mid ah hogaamiyayaasha kooxda islaami Jihaad ee marinka Gaza.
