Bayaan ay si wadajir ย ah u soo sareen Sacuudiga iyo Maraykanka ayaa lagu sheegay in dhinacyada ku dagaalamaya Dalka Suudaan ay ku heshiyeen in muddo Shan maalmood ah lagu kordhiyo xabbad joojintii horay loogu heshiiyay.
Labada dhinac ee ay dirirtu u dhexeyso ayaa midba midka kale ku eedeynayay in uu ku xad-gudbay heshiisyadii xabbad joojinta ahaa ee horay u dhex maray.
Tan iyo 15-kii bishii Abriil, dalka Suudaan waxaa ka socday iskahorimaadka u dhexeeya ciidanka qalabka sida ee Suudaan iyo kuwa Taageerada degdegga ah ee uu hoggaamiyo Xamdaan, kuwaasi oo sababay dhimashada boqollaal ruux iyo barakac aan xaddi laheen.
