Madaxweynaha Koonfurta Suudaan, Salva Kiir, ayaa ballan-qaaday in aanan dib loo dhigi doonin doorashada dalkiisa waxii ka danbeeya sannadka soo socda, sida laga soo xigtay wakaaladda wararka ee AFP.
Salva Kiir, ayaa Madaxweyne ka ahaa Koonfurta Suudaan, tan iyo sanadkii 2011-kii markaas oo uu dalkiisa ka go’ay dal weynaha Suudaan.
Waxaa la qorsheynayay in doorashada dalkani ay dhacdo bishii February ee sanadkan 2023-ka, balse dowladda ayaan ilaa hadda ku guuleysan inay buuxiso qodobadii ugu muhiimsanaa ee heshiiska nabadeed ee dhex maray dhinacyada is khilaafay hoggaanka dalkan.
Koonfurta Suudaan, ayaa ka mid ah dalalka ugu saboolsan Afrika, inkastoo uu leeyahay kayd shidaal, balse tan iyo markii uu dalkan madax banaanidiisa ka qaatay Suudan waxaa ka jiray xaalado dagaal, kuwaasi oo ay ku naf wayeen ilaa 400,000 oo qof, ka hor inta aysan Salva Kiir iyo Machar, aanay saxiixin heshiis nabadeed sannadkii 2018-kii.
