Hay’adda Maareynta Musiiboyinka Qaranka Soomaaliyed ee SoDMA,ayaa Maanta waxa ay Markale Shixnado mucaawino ah u dirtay Shacabka Soomaaliyed ee sameenta ka soo gaartay Colaadaha qaraar ee ka socda Gobolka Sool si gaar ah Magaalada Lascaanood iyo deeganada ku dhaw.
Shixnadan mucaawinada ah ayaa iskugu jirta qeybaha kala duwan ee Raashinka kuwaas oo Markab lagu rarayo iyo Daawooyin, oo iyagana diyaarado lagu daabuli doono si Dadkaas loo gaarsiyo,Gargaarkaan hore waxaa dalkeena ugu deeqay dowladdaha aan Saaxiibka nahay ee China iyo Turkiga.
Waxaana xusid mudan in sidaan oo kale bilihii u danbeeyey Hay’adda Gargaarka ay gaarsiisay Shacabka Laascaanood deeqo kala duwan oo ay mid ahaayeen Daawooyin, Raashin iyo Dhar,waxaana Muqdisho keentay Dad badan oo Rayid ah oo colaadaas ku wax yeeloobay si Cafimaadkooda loogu baxnaaniyo.
