Tan iyo markii Ciidamada Isre’iil, ay ku duuleen Magaalada Qaza, waxaa sii kordhahay khasaaraha soo gaaray Ciidamada Isra’iil, iyagoo marba marka ka danbeeya la kulmayay iska caabinno xooggan oo kaga imaneysay dhinaca Xamaas.
Milatariga Isre’iil ayaa shalay qirtay in labo Askar hor leh looga dilay magaalada Qaza, waxay sidokale, sheegteen in ay jiraan Askar badan oo halkaasi lagu dhaawacay, kuwaasi oo kolkii danbe dhawacyadii soo gaaray u geeriyooday.
Warbaahinta Isre’iil ayaa shaacisay in tirada ciidamada ee todobaadkii tagay lagu dilay Qaza ay gaartay 44-Askari, waxaana intaa ku dareen inay jira Askar kale oo dhaawacyo culus qaba oo laga yaaba in ay u geeriyoodaan.
Dagaalka ka socda magaalada Qaza, oo galay maalinkisii 37-aad, ayaa waxaa ka dhashay intii uu socday khasaare kala duwan.
