Guddoomiyaha Hay’adda Maareynta Musiibooyinka Qaranka mudane Maxamuud Macallim Cabdulle ayaa maanta shixnad gargaar ah oo loogu talagalay dadka ay sameenta ka soo gaareen fataahadaha iyo daadadka El-Niño waxa uu ku wareejiyey Guddiga Ololaha Hooyo Badbaadi Hal Qoys oo ay horkacaysay Wasiiru- dowlaha Wasaaradda Haweenka iyo xaquuqul Aadanaha Xukuumadda Federaalka Soomaaliya Aamino Xasan Cali.
Gargaarkaan oo sida qaaska ah ay ugala dardaarantay hay’adda SoDMA Wasiirkii hore ee Haweenka AUN Khadiijo Maxamed Diiriye ayaa loogu talagalay in la gaarsiiyo 500 oo qoys oo ka kooban haween iyo Carruur, waxana uu ka koobanyahay qaybaha kala duwan ee raashinka.
Hay’adda Maareynta Musiibooyinka Qaranka ayaa waxaa ka go’an dardargalinta howlaha Gurmadka dadkeenna taagta yar ee fatahaaduhu saameeyeen.
