Tartanka Kubadda cagta dowlad Gobolleedyada iyo Gobalka Banaadir oo si habsami leh uga socda Tuulada Cayaaraha ee Stadium Muqdisho ayaa waxaa galabta kulan xiiso badan ay ku dhexmartay Xulalka Hirshabeelle iyo Jubbaland.
Kulanka oo ay u soo daawasho tegeen dadweyne aad u fara badan oo ka kala yimid degmooyinka Gobalka Banaadir iyo deegaannada ku xeeran ayaa aad ugu riyaaqay cayaar wanaagga ay labada Xul soo bamdhigeen.
Cayaarta ayaa waqtigii loogu talagalay ku soo idlaatay barbaro dhac 0-0, waxaana Cayaartooyda Xulka Hirshabeelle ay dhigooda Jubbaland kaga badiyeen 5-4.
Xulka dowlad goboleedka Hirshabeelle ayaa Iska xaadiriyey final ka tartanka.
Hirshabeelle ayaa sugi doonta Banaadir iyo Galmudug tii soo baxda maalinta Berri ah.
