Madaxweynaha dowlad goboledka Hirshabeelle Mudane Cali Guudlaawe Xuseen ayaa Xulka Hirshabeelle ugu hambalyeeyay guusha muhiim ka ah ee ay ka gaareen dhigooda Jubbaland, kaasi oo ay ugu gudbeen kulanka kama dambeysta ah ee tartanka.
Qoraal uu bartiisa Facebook soo dhigay Madaxweynaha Hirshabeelle ayuu ku yiri
“Waxaan u hambalyeeynayaa Xulka Kubadda Cagta Hirshabeelle oo galabta ka adkaaday dhigooda Jubbaland sidoo kalana u gudbay fiinaalka tartanka Kubada Cagta Dowlad Goboleedyada iyo Gobolka Banaadir.
Guusha wayn ee aad gaarteen iyo ciyaar wanaaga qurux badan ee aad soo bandhigteen waxa ay farxad galisay malaayiin taageerayaashiina ah, waxaana idinka sugeynaa hanashada koobka annagoo ku kalsoon xirfadiina iyo dadaalka dheer ee aad muujineysaan”.
