Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa maanta ka qeyb galay munaasabad lagu dhaarinayay Wasiiru-dowlaha Wasaaradda Deegaanka iyo Isbeddelka Cimillada Mudane Axmed Cumar Maxamed.
Wasiiru-dowlaha oo kamid ah Wasiirrada dhowaan uu soo magacaabay Ra’iisul Wasaaraha XFS Mudane Xamsa Cabdi Barre, ayaa waxaa dhaariyay Habdhowraha Golaha Shacabka Mudane Xildhibaan Maxamed Cabdullaahi Xasan – Nuux, waxaana uu Guddoomiye Sheekh Aadan Madoobe kula dardaarmay in xilka loo dhaariyay uu u guto si mas’uuliyadi ku jirto. ugana adeego dalka iyo shacabka Soomaaliyeed.
