Guddoomiyaha Hay’adda Maareynta Musiiboyinka Qaranka, Mudane Maxamuud Macalin Cabdulle ayaa maanta xarunta dhexe ee hay’adda SoDMA waxa uu ka daah-furay Mashruuc xoojinaya isku xirka nidaamyada bixiya digniinaha halis wadareedka heer Federaal iyo heer dowlad goboleed, taas oo uu maalgalinayo Bangiga lacagta Adduunka , isaga oo soo dhexmarsiin doono mashruuca ka soo kabashada xasadaraha Soomaaliya (SCRP).
Mashruucaan waxa uu si gaar ah u tageerayaa Hay’adda SoDMA iyo Wasaaradaha Gargaarka iyo Maareynta Musiibooyinka maamulada Hirshabeelle iyo Koonfur Galbeed, waxana ujeedka laga leeyahya uu yahay in dhammaan nidaamyada bixiya digniinaha qataraha halis wadareedka la isku xiro, waxana daahfurkiisa goobjoog ka ahaa Agaasimaha guud ee Wasaaradda Maaliyadda Xukuumadda Federaalka Soomaaliya, Bankiga lacagta Adduunka, Madaxa xafiiska Hay’adda cuntada Adduunka ee Soomaaliya WFP , waxaana Aalaadda fogaan aragga uga soo qeybgalay Wasiirka Wasaaradda Gargaarka Koonfur Galbeed iyo Agaasimaha guud ee Wasaaradda Gargaarka Hirshabeelle.
Sidoo kale shir gaar ah oo ay yesheen dhinacyadan waxa ay ku falanqeyeen sida loo bilaabi la haa,loona dardargalin la haa mashrucaan madaama haatan laguda galay roobka gu’ga.
