Shirkan oo labadii maalin ee la soo dhaafey ka socdey magaalada Muqdisho ayaa waxa uu u dhaxeeyay Wasaaradaha heer Federal iyo heer dowlad gobaleed ee dhanka howlaha ee guud, iyadoo ay ka qeygaleen xubno ka socday ururrada bulshada..
Shirkan oo ujeedkiisa ahaa mashruuca kaabayaasha waddooyinka isla markaana ay ka qeybgaleen guddi ka kooban Wasaaradda Howlaha Guud ee Federaalka, Wasaaradaha dowlad goboleedyada Puntlad, Jubbalad, Galmudug, Hirshabeelle iyo Koonfur Galbeed ayaa waxaa looga hadlay dardargelinta iyo horumarint kaabayaasha dhaqaalaha, gaar ahaan dib u dhiska waddooyinka.
Wasiirka howlaha Guud ee Xukuumadda Federaalka Soomaaliya mudane Cabdisalaan Cabdi Cali ayaa tilmaamay in mashruucan uu noqon doono mid mira dhala oo lagu guuleysto iyo in la hirgeliyo wixii shirak ka soo baxo.
