Ciidamada deegaanka ee koonfurta gobolka Mudug ayaa maanta gacanta ku dhigay nin la sheegay inuu ahaa madaxii sirdoonka Khawaarijta, kaas oo lagu magacaabo Farxaan Shalaange, ninkaan ayaa sheegay inuu sahan u ahaa Khawaarijta, waxaana lagu qabtay duleedka deegaanka Bacaadweyne.
Ciidamada fuliyey howlgalka lagu qabtay ninkaan waxaa hoggaaminayey sarkaal lagu magacaabo Gureey Nuur oo ah Taliyaha ciidanka Macawiisleyda ee ka howlgala aagga deegaanka Bacaadweyne.
Dadka deegaanka ayaa ciidanka ku garab siiyey soo qabashada ninkaan oo ku howlanaa uruurinta xogta ciidanka ka howlgala deegaanadaas.
