Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale), ayaa caawa kormeeray qaar ka mid ah kontorolada laga soo galo Magaalada Muqdisho.
Kormerkaan, ayaa waxa ku wehliyay Guddoomiye Kuxigeenka Amniga iyo Siyaasadda Maamulka Gobolka Banaadir, Xildhibaano iyo Taliyaha Nabad Sugida Gobolka Banaadir.
Sidoo kale Guddoomiyaha ayaa kormeeray ollole Nadaafadeed oo ka socday qeybo ka mid ah Degmada Howlwadaag ee Magaalada Muqdisho.
Ujeedka kormeerka duqa Caasimadda ayaa ahaa inow arko hormarada ay ku tartamayaa degmooyinka Gobalka Banaadir, oo ay ugu horeyso dhanka nadaafada.
