Guddoomiyaha Hay’adda Maareynta Musiibooyinka Soomaaliyeed, Mudane Maxamuud Macalin Cabdulle oo uu wehliyo la-taliyaha dhanka ka hor-tagga leexsashada gargaarka Mudane Cabdulqaadir Shariif Sheekhuna iyo Kaaliyaha Guddoomiyaha ee Hay’addaha Carabta iyo Islaamka mudane Cabdiraxman Xuseen (Waxiid ayaa kulan wargalin iyo wacyigalin ah la qaatay Guddiga Iskaashatada Kalluumeysiga ee Dan-kulmis.
Guddoomiyaha ayaa Iskaashatada la wadaagay waajibaadka hay’adda ka saaran badbaadinta nafta iyo hantida shacabka, isagoo warbixin buuxda ka siiyay halista duufaanta la saadaalinayo ee Laly, isla-markaana ku boorriyay in maalmaha soo aaddan la hakiyo doomaha badda galaya, lana wacyigaliyo kuwa doonaya in ay ku safraan, si looga hor-tago khaaaaro laga baaqsan karo.
Guddiga Iskaashatada ayaa soo bandhigay baahiyaha ku gadaaman Kulluumeysatada, iyaga oo codsaday qacan qabad iyo gargaar dowladeed, Guddoomiyaha ayaana u ballanqaaday in Hay’adda SoDMA diyaarinayso raashin ku filan qoysaska ku tiirsan jillaabashada ee aysan u suura-gali doonin maalmahaan duufaanta Laly awgeed.
