Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta soo xiray Shirweynaha Qaran ee Xuquuqul Insaanka oo Muqdishu ka qabsoomay. Madaxwayanha oo khudbad dhinacyo badan taabanaysa shirka ka jeediyay ayaa soo bandhigay sida ay Dowladda uga go’an tahay in la xoojiyo xiriirka iyo wada-shaqeynta hayโadaha dowladda iyo bulshada ee ku aaddan arrimaha xuquuqda iyo adeegyada sharciga.
Madaxweynaha ayaa sidoo kale xusay in aan la gaari karin horumar siyaasadeed, dhaqaale, iyo bulsho haddii aan la dhammaystirin hannaanka dhowrista xorriyadaha aasaasiga ah, isagoo adkeeyey in la dhammeystiro shuruucda horumarinaya xuquuqul insaanka iyo dhismaha hayโad madax-bannaan oo u xilsaaran ilaalinta xuquuqdaas.
Related posts
Madaxweynaha Jamhuuriyadda ayaa gebegebadii soo bandhigay duruufaha ku xeeran dalkeenna oo dagaal kula jira argagixisada, taas oo saamayn toos ah ku leh xaaladda xuquuqda dadka Soomaaliyeed, maadaama argagixisadu ay ku xadgudbeen xaq kasta oo ay lahaayeen dadkeennu, isaga oo intaas ku daray โin ay [argagixisadu] isu soo bahaysteen daadinta dhiiggooda iyo boobka hantidoodaโ.
