RADIO MUQDISHO: Ciidamada Daraawiishta Dowlad goboleedka Puntland ayaa ka hortegay weerar ay xalay dhagarqabayaal ka tirsan Khawaarijta Daacish ku soo qaadeen, difaaca ciidamada ee buuraha Calmiskaad, gaar ahaan halka loo yaqaano Dhasaan Sare.
Halkaas ayaana jabweyn lagu gaadhsiiyay kooxdii Khawaarijta Daacish ee weerarkaasi soo abuubulay.
Meydadka ku dhawaad 10 dhagarqabe oo weerarkaas soo qaaday ayaa lagu soo bandhigay goobta, waxayna saraakiisha ciidamada oo warbaahinta la hadlay ay sheegeen in si buuxda ay u fashiliyeen dhagartii cadowga, iyadoo wax khasaare ah uusan soo gaarin ciidanka.
