Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Xildhibaan Cali Yuusuf Cali-Xoosh ayaa maanta si rasmi ah magaalada laascaanood uga furay Shirweynaha dhameystirka dhismaha Dowlad Goboleedka SSC-Khaatumo.
Wasiir Cali Xoosh oo bulshada reer SSC ku amaanay go’aanka ay aayahooda uga tashanayaan ayaa sheegay in Dowladda Federaalka ay geed fadhi u noqon doonto dhismaha Dowlad Goboleed rasmi ah, Dastuur leh, kuna yimaada rabitaanka bulshada deegaanka.
“Dowladda Federaalka Soomaaliya waxay aaminsan tahay in xalka nabadda iyo horumarka deegaannada SSC lagu gaari karo oo keliya in la helo Dowlad Goboleed dhameystiran oo si buuxda uga mid noqda nidaamka federaalka ee Jamhuuriyadda Federaalka Soomaaliya,” ayuu yiri Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Cali Yuusuf (Cali-Xoosh).
