Xoghayaha Joogtada ah ee Xafiiska Raโiisul Wasaaraha, Mudane Kamaal Guutaale, oo uu wehlinayay Guddoomiyaha Hayโadda Maareynta Masiibooyinka Qaranka (SoDMA), Mudane Maxamuud Macalin Cabdulle, ayaa Moqdisho kusoo xiray Shirka Guddiga Qaran ee Isu-duwidda Ka-Jawaabista Abaaraha dalka, kaas oo muhiim u ah xoojinta isu-duwidda hayโadaha dowladda iyo saaxiibada baniโaadannimo, si si wadajir ah looga jawaabo saameynta sii kordheysa ee abaaraha dalka ka jira.
Shirkan waxaa ka qaybgalay hayโadaha dowladda iyo saaxiibada baniโaadannimo, oo ay ka mid yihiin: Agaasimeyaasha Guud ee hayโadaha dowladda, Xafiiska Raโiisul Wasaaraha (OPM), Hayโadaha Qaramada Midoobay (UN), Xafiiska Isu-duwidda Arrimaha Baniโaadannimada (OCHA), wakiillo ka socday hayโadaha kale ee dowladda iyo ururrada bahwadaagta la ah dowladda ee ka shaqeeya gargaarka iyo ka-jawaabista abaaraha ayaa ka qeybgalay.
Ugu horeyn, Guddoomiyaha Hayโadda Maareynta Musiibooyinka Qaranka SoDMA, Mudane Maxamuud Macalin Cabdulle, ayaa tilmaamay in shirka uu ahaa madal muhiim ah oo lagu mideynayo dadaallada, lagu wadaagayo macluumaad sax ah, laguna gaarayo goโaanno degdeg ah oo wax ku ool ah, si loo yareeyo saameynta abaaraha loona badbaadiyo nolosha bulshada ay dhibaatadu saameysay. Waxa uu sidoo kale u mahadceliyay madaxdii shirka ka soo qeyb gashay, isaga oo ku adkeeyay iskaashi joogto ah iyo Wada-shaqeyn
Ugu dambeyn, Xoghayaha Joogtada ah ee Xafiiska Raโiisul Wasaaraha, Mudane Kamaal Guutaale, ayaa carabka ku adkeeyay muhiimadda ay leedahay in la xoojiyo iskaashiga hayโadaha dowladda iyo la-hawlgalayaasha baniโaadannimada, si loo helo jawaabo mideysan oo wax tar leh.
