Ciidanka Xoogga Dalka Soomaaliyeed oo kaashanaya geesiyaasha dadka deegaanka ayaa saaka fuliyay weerar dhabagal ah oo ka dhacay gobolka Hiiraan, kaas oo lagu beegsaday maleeshiyaad ka tirsan Khawaarijta oo watay gaari booyad ah. Weerarkaasi ayaa lagu dilay ugu yaraan lix ka mid ah maleeshiyaadka.
Howlgalka ayaa ka dhacay deegaanka Waabweyn ee gobolka Hiiraan, halkaas oo ciidamada ay jidka u galeen kooxda oo biyo u doonatay deegaanka. Saraakiisha hoggaaminaysa howlgalka ayaa Warbaahinta Qaranka u sheegay in uu u dhacay sidii loo qorsheeyay.
Sidoo kale, ciidamada ayaa gubay gaarigii booyadda ahaa ee ay wateen, waxaana haatan socda baacsiga maleeshiyaadkii firxaday ee ku haray duurka.
