Urur Siyaasadeedka Talo-Qaran oo ka mid ah Ururada ka jira dalkeena oo maalmahan ololaha doorashooyinka ka waday qaar ka mid ah degmooyinka Dowlad Goboleedka Hirshabeelle ayaa isu soo bax ay ku raadinayan codka shacabka ku soo gabagabeeyay Degmada Jowhar ee xarunta Gobalka Shabeellaha Dhexe .
Maxamed Cabdulahi Cali oo ah Wakiilka guud Urur Siyaasadeedka Talo Qaran ee Hirshabeelle oo ay wehliyaan xubno kale ayaa olole ballaaran ka sameeyay xaafadaha kala duwan ee degmada Jowhar, halkaasi oo ay isugu soo baxeen dadweyne aad u fara badan.
Kulan ay la qaateen qeybaha bulshada ee ku dhaqan magaalada Jowhar ayaa dadkii ka hadlay madasha waxa ay soo dhaweeyeen xubnaha Ururka ee u taagan qabashada Golaha deegaanka iyo tan Wakiilada ayna diyaar u yihiin inay codkooda siiyaan.
Wakiilka guud Urur Siyaasadeedka Talo Qaran ee Hirshabeelle Maxamed Cabdulahi Cali oo ku hadlayay Afka Guddoomiyaha Urur Siyaasadeedka Talo-Qaran mudane Cabdiweli Cismaan Cabdi (Shancad) ayaa qeybaha bulshada u sheegay inuu salaan uga sido Guddoomiyaha, uuna ka codsanayo inay codka Kalsoonida ah siiyaan
Ololaha Taageerada Musharraxiinta Ururka Siyaasadeedka Talo Qaran ayaa si guul ah loogu soo gabagabeeyay magaalada Jowhar.
