RADIO MUQDISHO:-Guddoomiyaha Xiriirka Kubadda Cagta Soomaaliyeed, Mudane Cali Cabdi Maxamed (Cali Shiine), ayaa booqasho ku tagay xarunta Safaaradda Jamhuuriyadda Federaalka Soomaaliya ee magaalada Baku ee dalka Azerbaijan, halkaas oo uu ku soo dhaweeyay Danjiraha Soomaaliya u fadhiya dalkaas, Mudane Cabdinuur Daahir Fiidoow iyadoo Guddoomiye Cali Shiine bogaadiyay dadaalka iyo shaqada diblomaasiyadeed ee Safaaraddu u hayso qaranka.
Sidoo kale waxa uu Danjiraha uga mahadceliyay sida dhow ee uu ula socday xaaladda ciyaartoyda iyo masuuliyiinta Xulka Qaranka Soomaaliya ee U-15 intii ay ku sugnaayeen dalka Azerbaijan iyo garab istaaggii uu u muujiyay.
Danjire Cabdinuur Daahir Fiidoow ayaa dhankiisa Guddoomiyaha warbixin ka siiyay hawlaha Safaaradda iyo dadaallada lagu xoojinayo xiriirka iyo iskaashiga u dhexeeya Soomaaliya iyo Azerbaijan.
