Abaan duulaha qaybta 21-aad ee ciidanka XDS G/sare C/laahi Aadan Xuseen (Cor Cirro) oo gaaray degmada Cabuudwaaq ayaa
booqday ciidamo ka tirsan qaybta 21-aad oo ku jira xero lagu aruurinayay, kuwaasi oo diyaarintooda ay iska kaashadee Wasiirro iyo Xildhibaano ka tirsan dawladda Galmudug iyo maamulka Degmada.
Abaanduulaha oo ay ku wehliyeen kormeerkiisa mas’uuliyiinta maamulka degmad, Wasiirro iyo
Xildhibaanno ka tirsan dawladda Galmudug ayaa kula hadlay ciidamada xarunta mashruuca halkaasi oo ah goobta loo asteeyay in lagu diyaariyo ciidamada XDS qaybta 21-aad.
Wasiir ku xigeenka Wasaarada amniga ee dawlad goboleedka Galmudug Cali C/laahi Warsame (Galawac) oo waday diyaarinta Ciidamada la doonayo inay ku biiraan Kuwa Xoogga dalka ee Jamhuuriyadeena Soomaaliya ayaa sheegay in ciidamadan oo tiradoodu tahay 150 askari ay u diyaarsanyihiin inay ka mid noqdan qaybta 21-aad ee ciidanka XDS.
Gudoomiyaha Degmada Caabudwaaq C/risaaq Xasan Cawl oo isna goobta ka hadlay isagoo ku soo dhaweeyay Xubnaha Dawlada Galmudug iyo Amaanduulaha xeradaasi lagu diyaariyay ciidamada Dawladda.
Wasiirka Wasaarada Arimajha Gudaha iyo Dawladaha Hoose Mudane Jaamac Xasan Salaad ayaa mar uu la hadlayay Ciidamada waxaa uu sheegay in laga doonayyo in laga helo xaqa lagu leeyahay iyaguna ay helayaan oo la diyaariyay Xaquuqdoodii.
Ugu Dambayn Abaanduulaha qaybta 21-aad G/sare C/laahi Aadan Xuseen (Cor Cirro) ayaa ciidamada uga mahad celshay sugida amniga waxaana uu goobtaasi ku siiyay ciidamada Dareeskoodii.
