Related posts
Ciidanka Xoogga dalka Soomaaliyeed ayaa xoreeyey deegaano ay kamid yihiin Gandershe iyo Jilib oo hoos taga magaalada Marka ee Xarunta Gobolka Shaeelaha Hoose, kadib howlgallo ay halkaasi ka fuliyeen.
Abaanduullaha Ciidanka Xoogga dalka jeneraal Odowaa Yuusuf Raagge oo horkacayey Ciidanka ayaa sheegay in ciidamada xoogga maalmahan ay wadeen howlgallo lagu sifeynayo inta u dhaxeysa Jaziira ilaa iyo Magaalada Marko, isla markaana ay u suurta gashay in dagaal ay kula wareegaan deegaanada kala ah Ceel Ow Maki, Dhannaane, Gendarshe iyo Jilib Marka, halkaasi oo ay ku dhuumanayeen Kooxda Alshabaab.
Abaanduullaha oo u waramay Radio Muqdisho ayaa xusay in maleeshiyada Al-Shabaab ay ka dileen in kabadan 13 Maleeshiyaad iyo horjoogeyaal isugu jira, ayna ka qabsadeen gaadiidka dagaal iyo hub fara badan.
Jeneraal Odowaa Yuusuf Raagge ayaa xusay in Kooxda Alshabaab aysan laheyn awood ay isaga difaacaan Ciidanka Xoogga dalka, isaggoo xusay in meelaha hadda ay ku dhuumanayaan Argagixisada ay ka sifeyn doonaan Kooxdaasi baxsadka ah.
Ciidanka Xoogga dalka Soomaaliyeed ayaa maalmihii lasoo dhaafay waxay wadeen howlgallo ballaaran oo Nabad diidka Kooxda Alshabaab looga xoreynayo deegaanada ay kaga dhuumanayaa guud ahaa dalka.
Halkan ka dhageyso Wareysigaย
