Agaasimaha guud ee Wasaaradda Arrimaha Guddaha, Federaalka iyo dib u heshisiinta mudane Caydaruus Macallim Xasan Cabdulle ayaa maanta kulan la yeeshay agaasime waaxeedyada iyo la-taliyaasha wasaaradda.
Kulanka oo uu ujeedkiisu ahaa isbarasho iyo is-xogwareysi ayaa waxaa uu agaasime Caydaruus dhageystay qaabka ku haboon hirgelinta qorshaha waaxyada, walaaca ay qabaan, sida ay u arkaan horumarkeeda iyo guud ahaan xoojinta wadashaqeynta dhammaan qeybaha.
Agaasimaha guud ee wasaaradda Arrimaha Guddaha, Federaalka iyo dib u heshiisiinta oo goobta ka hadlay ayaa dhankiisa ballanqaaday in ku dadaali doono awoodsiinta waaxyada, dhaqangelinta siyaasad hufan oo kor u qaadeysa muuqaalka guud ee wasaaradda.
Agaasime Caydaruus waxaa uu sidoo kale adkeeyey in loo baahanyahay in xoogga la isugu geeyo horumarinta shaqada hortabinta u leh wasaaradda oo ay ugu horreeyaan Arrimaha Federaalka ta, dib u heshsiinta, xasiilinta iyo baahinta maamullada iyo adeegyada bulsho.
Agaasimaha Guud ee Wasaaradda Waxbarashada Mudane Caydaruus M. Xasan ayaa Agaasime waaxeedyada iyo la-taliyaasha Wasaaradda kula dardaarmay in ay dar-dar galiyaan howlaha baaxada leh ee wasaaradda ay u hayso bulshada Soomaaliyeed, loona shaqeeyo si hufan, oo isku duubni ah.
