Agaasimaha Guud ee Wadaaradda Caafimaadka Dr Cabdinasir Mukhtar Ibraahim ayaa maantay si rasmi ah u bilaabay kulamo uu la qaadanaayo dhamaan Waaxyaha Wasaaradda Caafimaadka si kor loogu qaado tayada shaqada iyo is xogwaraysi la xariira meelaha ay marayaan mashaariicda hoos yimaada waax walba iyo wixii caqabada uga hortagaan.
Waaxda Qoyska Caafimaadka ayaa maantay agaasimuhu la qaatay kulankiisii ugu horeeyay kaas oo looga arrinsaday hawlaha shaqo ee ka socda waaxda, halkaas oo ay dhamaan madaxda mashaariicda Waaxda Caafimaadka qoyska hoos yimaada ay ka soo jeediyeen wixii xog ah ee ku saabsan Mashaariicda socdo iyo shaqooyinka ay u hayaan Bulshadda Soomaaliyeed.
Agaasimaga Guud ee Wasaaradda Caafimaadka ayaa uga mahadceliyay sida ay ula wadaageen xogta, ayna dhamaantood u soo xaadireen kulanka.
Kulanka ayaa socon doono muddo isbuuc ah kaas oo uu agaasimuhu la qaadan doono dhamaan waaxyaha Wasaaradda Caafimadka.
