Agaasimaha Guud ee Wasaaradda Warfaafinta Dhaqanka iyo Dalxiiska Mudane Cabdullahi Xayir Ducaale iyo Agaasimaha Radio Muqdisho Codka Jamhuuriyadda Soomaaliya Maxamed-Kaafi Sheekh Abuukar ayaa qalab kala duwan oo loogu talagalay horumarinta Idaacadda Qaranka kala wareegay Cutubka ciidamada Talyaaniga ee wadashaqeynta Shacabka (CIMIC).
Cabdullahi Xayir Ducaale, Agaasimaha Guud ee Wasaaradda ayaa sheegay in deeqdaan qalab ee ka soo gaartay dowladda Talyaaniga inay tahay mid macno wayn u leh Warbaahinta Qaranka.
Taliyaha Cutubka ciidamada Talyaaniga ee Taakuleynta (ITNCC) Lt.Col. Michele Giacalone ayaa asana sheegay qalabkaan ay ugu talageen horumarinta Radio Muqdisho, isla markaana la sii xoojin doono wada shaqaynta Warbaahinta Qaranka, Safaaradda iyo hay’adaha kale ee Talyaaniga ee ka shaqeeya wadanka.
