Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya Mudane Saciid Cabdullahi Calasow ayaa daahfuray Kulanka Qaranka ee Xiriirka Dowladaha Hoose oo lagu soo bandhigayay Waxqabadka Dowladaha Hoose.
Kulankan oo ay soo qabanqaabisay Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya ayaa waxaa kasoo qaybgalay Mas’uuliyiin ka kala socda Dowlad Goboleedyada, Gobolka Banaadir iyo Wasaaradaha heer Federaal iyo Heer Dowlad Goboleed oo ay shaqadoodu tahay Dowladaha Hoose.
