Agaasimaha Guud ee Wasaaradda Boostada iyo Isgaarsiinta Dawladda federaalka Soomaaliya, Mudane Axmed Xaaji Cabdi ayaa magaalada Hammamet ee dalka Tunisia waxa uu kaga qeyb galay shirweyne caalami ah oo socon doona illaa 3-da bisha November, kaas oo ay soo qaban qaabisay hayโadda Isgaarsiinta Caalamka ee ITU.
Shirkaani ayaa waxa ka soo qeyb galay dhamaan madaxda wasaaradaha Isgaarsiinta iyo shirkadaha Isgaarsiinta ee caalamka waxaana sanadkaani loogu magac daray World Telecommunicion Standersization Assembly WTSA2016.
Related posts
Mudane Axmed Xaaji Cabdi, Agaasimha Guud ee Wasaarada Boostada oo la hadlay Warbaahinta Qaranka ayaa sheegay in shirkani uu yahay mid muhiim u ah dawladaha caalamka islamarkaana uu ku faraxsan yahay in dawladda Soomaaliya ay si buuxda uga qeyb qaadato shirkan oo uu sheegay in wax weyn ka badali doono habsami usocodka howlaha isgaarsiinta dalka.
Agaasimaha ayaa sidoo kale sheegay in uu kulamo kala duwan la qaatay qaar ka mid ah madaxdii ka soo qeyb gashay kulanka kuwaas oo uu sheegay in uu kala hadlay arimaha isgaarsiinta dalka iyo sidii soomaaliya looga gacn siin lahaa horumarinta isgaarsiinta maadaama uu dalka ka soo kabanaayo dagaalo mudo dheer soo jiitamaayay.
Shirkan oo looga hadlayo guud ahaan hormarinta Isgaarsiinta ayaa waxaa xoogga lagu saarayaa hormarinta Isgaarsiinta casriga ah ee jiilka Shanaad (5G) waxaana muhiim ah in dawladda Soomaaliya ay qaadato doorkeeda si ay caalamka dib ula jaan qaado.
