Agaasimaha guud ee wasaaradda Warfaafinta Soomaaliya Mudane, C/risaaq Cali Yuusuf (Bahlaawi) ayaa maanta magaalada Roma ee dalka Talyaaniga kula kulmay Safiirka Soomaaliya u fadhiya dalka Talyaaniga Generaal Muuse Xasan, iyagoo ka wada hadlay arrimo la xiriira horumarinta Telefishinka Qaranka Soomaaliyeed.
Agaasime Bahlaawi ayaa dalka Talyaaniga u tagay sidii dalkaasi looga furi lahaa xarun uu ku shaqeeyo Telefishinka Qaranka Soomaaliyeed.
Related posts
Safiirka Soomaaliya u fadhiya dalka Talyaaniga, Generaal Muuse Xasan ayaa ballan qaaday in agaasimaha guud ee wasaaradda warfaafinta uu kala shaqeyn doonno sidii xarun uu ku shaqeeyo Talefashinka Qaranka looga furi lahaa dalka Talyaaniga.
Mudane C/risaaq Cali Yuusuf ayaa ka mahadceliyay ballan qaadka safiirka, isagoo ka dalbaday in xarunta SNTV ee laga furi doono dalka Talyaaniga ay noqoto mid ku dhex taala gudaha Safaaradda Soomaaliya ee magaalada Rooma.
Ugu dambeyn Agaasimaha guud ee wasaaradda Warfaafinta mudane C/risaaq Cali Yuusuf Bahlaawi ayaa xusay in qorshaha uu yahay sidii sanadkan kiisa xiga dalka Talyaaniga loogu qaban lahaa xuska sanad guurada Telefashinka Qaranka Soomaaliyeed.
