Agaasimaha Guud Wasaaradda Boostada iyo Isgaarsiinta Mudane Axmed Xaaji Cabdi ayaa ka qaybgalaya shir ay hay’adda Isgaarsiinta Caalamka ( ITU) ku qabaneyso dalka Jabuut ayna kasoo qaybgaleen waddamada Soomaaliya, Suudaan iyo Jabuuti. Shirkan oo soconaya 14-18ka bishan ayaa waxuu ka dhacayaa guriga Umadda ee dalka Jabuuti.
Shirkan oo cinwaankiisu yahay maamulka, nadaaminta iyo Qoondeynta Hirarka (Spectrum Management) ayaa masuuliyiin ka socota hay’adda ITU ย qaybta Jaamacadda Carabtu ay kusoo bandhigeen habka ugu wanaagsan ee looga baahan yahay in waddamada soo koraya ay u dajiyaan qorshaha Isticmaalka kheyraadka kooban ee Hirarka dalkasta leeyahay.
Related posts
Shirkan oo soo xirmi doona maalinta Khamiista ah waxaa waddamada kasoo qaybgalay ay soo gudbiyeen warbixino la xariira halka dalkoodu ka marayo Isgaarsiinta iyo kheyraadka Hirarka iyo qaabka loo isticmaalo.
Agaasimaha Guud ee Wasaradda Boostada iyo Isgaarsiinta oo dalka Soomaaliya uga qaybgalay shirkan ayaa ka warbixiyay xaaladda dalka Soomaaliya iyo dadaalka dawladdu ugu jirto hormarinta sharciga Isgaarsiinta dalka iyo nadaaminta hirarka dalka.
Agaasimaha ayaa shir gooni ah la yeeshay madaxda ITU u qaabilsan jaamacadda Carabta waxayna ka wada hadleen sidii hay’adda ITU ay uga caawin lahayd dib u furitaanka Machadkii Isgaarsiinta Qaranka Soomaaliyeed kaasoo qaybweyn ka qaadan kara kobcinta iyo kor uqaadista aqoonta shaqaalaha wasaaradda iyo kuwa dawladda.
Wasiirka wasaaradda Boostada iyo Isgaarsiinta ayaa dadaal adag ugu jira sidii loo meelmarin lahaa sharciga Isgaarsiinta ee horyaalla baarlamaanka kaasoo maray akhrintii 1aad. Wasaaradda ayaa guddiga Isgaarsiintaย ee Xildhibaanada u qaaday shir ka dhacay Nairobi 1-4tii Bishan June kaasoo looga hadlayay muhiimadda Xeerka Isgaarsiintu u leeyahay dalka.
