Kulanka dhaxmaray Agaasimaha guud ee Wasaaradda Warfaafinta Soomaaliya iyo Maamulaha Jaamacadda caalamiga ah ee Africa ayaa waxay uga hadleen Arimaha Soomaaliya, iyadoo Warbixin kooban ka dhageestay Agaasimaha Kamaal Cubeed oo ah Maamulaha Jaamacadda Caalamiga ah ee Africa, kaasoo ahaan jiray Wasiirkii hore ee Wasaaradda Warfaafinta dowladda Sudan, isagoo Caddeeyay in Jaamacadan ay dhigtaan intabadan arday ka socota dowladaha Africa oo ay Soomaaliya ka mid tahay.
Maamulaha Jaamacadda ayaa sheegay in Soomliada dhigata Jaamacadan ay yihiin kuwo ka soo Muuqda Kuliyadaha kala duwan oo ay dhigtaan, isagoo xusay in maamulka Jaamacadduna uu dhiirrigeliyo ardayda Soomaalida ah ee dhigata Jaamacadda.
Agaasimaha guud ee Wasaaradda Warfaafinta Dowladda Soomaaliya ayaa u mahadnaqay Maamulaha jaamacadda isagoo u sheegay in Aqoonyahanadii ay soo saareen wax tarkooda lagu arkay markii dalka dib ugu laabteen.
Dhanka kale Agaasimaha ayaa booqday Xarunta African TV oo ku hadla inta badan afafka dowladaha dhaca Bariga iyo Bartamaha Africa Soomaaliyana ay ka mid tahay dalalkaasi, iyadoo Madaxda YVgaasi ay siiyeen Soomaalida barnaamijyo iyo warar ku baxa Afka Soomaaliga si codkoodu u gaaro Caalamka intiisa kale.
