Guddoomiye ku-xigeenka Hay’adda maaraynta musiibooyinka Qaranka ee SoDMA Dr. Axmed Cabdi Adan iyo madax kale hay’adda, ayaa maanta xafiiska ku qaabilay wafdi ka socday xafiiska UNICEF ee Soomaaliya uu hoggaaminayay madaxa xafiiska koonfurta iyo bartamaha Somaaliya Mudane Charles Nzuki
Wafdiga UNICEF, ayaa warbixin kooban ka siiyay qorshe hawleedka Hay’adda ee xafiiska Soomaaliya, sidoo kale madaxda Hay’adda SoDMA, ayaa la wadaagay wafuudda ka socotay UNICEF qorshaha Shanta sano ee Hay’adda SoDMA iyo xaalada guud ee gargaarka iyo gurmadka degdega ah ay Hay’adda SoDMA ka wado guud ahaan dalka. SI gaar ah deegaanda dib looga xoreeyay Argagixisada Al-Shabaab, iyadoo ugu danbeen laysla afgartay in SoDMA iyo UNICEF ay kawada shaqeeyaan Howlgalada gurmadka dagdaga, iskaashiga dhinaca xog is waydaarsiga, tababarrada shaqaalaha, ka warqabka iyo gargaar la gaarista dadka ka soo barakacay abaaraha iyo daggaallada.
Sidoo kale Gudoomiye ku xigeenka Hay’adda SoDMA ayaa wafdiga xafiiska UNICEF ee Soomaaliya kala wareegay qalab xafiiseed kala duwan oo Hay’adda UNICEF ku taagertay Hay’adda SoDMA.
Guddoomiye ku-xigeenka, ayaa ugu dambeynta kaga mahadceliyay Wafdiga xafiiska UNICEF ee Soomaaliya shaqada ay ka wadaan gudaha Soomaaliya, Sidoo kale kaga mahadceliyay taageerada qalabka Xafiiseedka ay Hay’adda SoDMA ku taageereen.
