Kulan ay isugu yimaadeen Magaalada Johhanseburg ย Ururada ganacsiyada yar yar ee K/ Afrikaanka ah iyo qaar ka mid ah ganacsatada Soomaalida Johannseburg, Jaaliyadaha Soomaalida, Ethiopian-ka, Bangaladhesh, Pakistan oo ku midoobay Ururka horumarinta ganacsiyada Tuulooyinka ee Koonfur Afrika ayaa lagu kala saxiixday sidii ay wadashaqeyn buuxda u yeelan lahaayeen labada dhinac ee Koonfur Afrika iyo Ganacsatada Ajaaniibta ee ku dhaqan K/Afrika.
Kulankan oo ay goobjoog wasiirada horumarinta Ganacsiyada yar yar ee Koonfur Afrika marwo Lindiwe Zulu oo furtay heshiiskaan taariikhiga ah ee ay gaareen ganacsatada yar yar ee dalkeeda iyo kuwa ajaanibta ah ee ka dhex ganacsada tuulooyinka iyo magaalooyinka yar yar ayaa sheegtay in loo baahan yahay midnimo iyo wadashaqeyn xoog leh oo ay yeesheen qeybaha heshiiskaan kala saxiixday,waxeyna ballanqaaday inay Dowladda K/Afrika kala shaqeyn doonto Ganacsatada wax walba oo ay awooddo.
โDowladeenu waxey diyaar u tahay inay caawiso Ganacsatada yar yar oo ay geyso Tuulooyinka qalabka casriga ah ee Kumbiyuutarada isticmaalaan,waxa ay sidoo kale dhiiragalinaysaa in ay muujiyaan Ganacsatada midnimoโ ayay tiri Wasiiradda.
Sidoo kale mas’uuliyiitii matalayay ururada iyo jaaliyadaha kala saxiixday heshiiskaan ganacsi ayaa dhammaantood sheegay wax kasta oo horay u qaldamay inay ahaayeen iska warqabid la’aan iyo kala shaki aan meelna ku saleesneen, balse hadda loo baahan yahay in lafuro bog cusub oo nadiif ah laguna xisaabtamo, laguna saxo wixii qaldan, iyadoo lala kaashanayo dowlada Koonfur Afrika.
Suldaan Ibraahim Qaxwo oo ka mid ah ganacsatada yar yar ee maaalada Johnnesburg oo shirka ka qeyb galayay oo aan wax ka weydiinay aragtidiisa heshiiskaan ayaa sheegay ka Soomaali ahaan inuu wax badan utari doono haddii siduu yahay loo fuliyo.
โSoomaalidu yihiin dadka ugu magaca dheer ajaanibta ka ganacsada tuulooyinka fog fog ee dalkaani K/Afrika,heshiiskan hadii uu dhaqan galo wax badan ayuu ka bedeli doonaa dhibaatooyinka heysta Ganacsatada Soomaaliyeedโayuu kusoo gabgabeeyay Ganacsade Qaxwo.
Ugu dambeyntii Cabdirisaaq Cali Cusmaan (Macaan Jecel) oo ka mid ahaa mas’uuliyiintii ka hadlay kulanka kuna hadlayay magaca Jaaliyadda Soomaaliyeed ee Koonfur Afrika oo warbaahinta si gaar ah ayaa yiri.
โHadii hehiiskaan ganacsi ay dhaqan galiyaan labada qeybood ee kala saxiixday uu ka hortagi doono dhaca, boobka iyo ajaanib naceebka muwaadiniinta Koonfur Afrikaanka ahโ
Ganacsatada Soomaalida oo inta badan dhibaatooyin la kulma ayaa iyaganu dhankooda lagu eedeeyaa inay qiimaha hoos ugu dhigaan Ganacsatada u dhashay K/Afrika taas oo mararka qaar sabab u noqoto in si sahlan boob loogu geysto waxaana boobkaasi inay ka dambeeyaan lagu sheegaa Ganacsatada K/Afrikanka iyo dadka Deegaanka.
WD/ C/qaadir Axad,Johhanseburg
