Waxaa Khamiistii shalay Akadeemiyada Jeneraal Kaahiye ee ciidanka booliiska Soomaaliyeed lagu qabtay kulankii todobaadlaha ahaa.
Cutubyo ka tirsan ciidanka booliiska ayaa halkaasi ku soo bandhigay gaadda ka cayaar waxaana ciidankaasi ka mid ahaa Saraakiishii sanadkaan u dallacay Darajada Xiddigle, iyadoo salaanta uu ka qaatay Taliyaha Ciidanka Asluubta S/Guud. Bashiir Maxamed Jaamac oo marti ku ahaa Kulliyadda.
Related posts
Taliyaha ciidanka Asluubta ayaa ciidanka Boliiska ku bogaadiyay horumarka iyo dadaallada uu hormuudka u yahay Taliyaha Ciidanka Boliiska S/Gaas. Maxamed Sheekh Xasan Xaamud, wuxuuna Taliyaha Ciidanka Asluubta ugu deeqay kuliyadda Qoryaha lagu tababarto.
Dhanka kale Taliyaha Ciidanka Boliiska ayaa ka qayb galay ย kulan ballaaran oo ay soo qabanqaabisay G/Sare. Faadumo Xasan Maxamed (Faadumo Neero) oo ay isugu yimaadeen dhammaan ย Gabdhaha Ciidanka Boliiska , kuwaasoo isu abaabulay inay ka qayb qaataan hawlaha gurmadka abaaraha, wuxuuna Taliyaha Ciidanka ย ku
guubaabiyey inay horseed ka noqdaan hawlahaas oo ay kaalin muuqata ka qaataan u gargaaridda dadka ku soo dhibaatoobay abaaraha.
Taliyaha ciidanka booliiska ayaa wuxuu kaloo ugu baaqay inay ku dadaalaan hawlaha la shaqeynta iyo is dhex galka bulshada.
Ciidanka booliiska waxaa ka mid ah tirada ugu badan ee haweenka ka shaqeeya laamaha dawladda.
