Allaha u naxariistee waxaa dalka Imaaraadka Carabta ku geeriyooday Abwaan Cali Sugule oo ka mid ahaa abwaaniinta Soomaaliyeed ee caanka ka ahaa dalkeena Soomaaliya.
Madaxweynaha Jamhuuriyadda Soomaaliya mudane Xasan Sheekh Maxamuud, gudoomiyaha Baarlamanka Prof. Maxamed Sheekh Cusmaan “Jawaari” R/wasaaraha dalka Cumar C/rashiid ayaa ka tacsiyeeyay geerida Allaha u naxariistee abwaan Cali Sugule.
Allaha u naxariistee Abwaan Cali Sugule wuxuu ku dhashay Magaalada Oodweyne sanadkii 1936, Iskuulka hoose Berbera ayuu ka galey markii danbe Sheekh ayuu uga wareegey hase yeeshee wuxuu ahaa Abwaan waddani ah oo rabbi hibo u siiyay hal abuurka maansooyinka.
