Guddoomiyaha barlamaanka dowlad Gobolleedka Hirshabeelle Sheekh Cusmaan Barre Maxamed ayaa maantay gaaray magaalada Jowhar ee Xarunta maamulkaas isagoo ku baaqay in la joojiyo dagaal beeleedyada ka socda Qeybo ka mid ah gobolkaas.
Guddoomiye Sheekh Cusmaan Barre Maxamed oo howlo shaqo u joogay magaalada Muqdisho maalmihii la soo dhaafay ayaa dib ugu laabashadiisa jowhar kaddib waxa uu ka codsaday maleeshiyaad ku dagaallamay dhawaan deegaanno hoostaga Gobolkaas in ay joojiyaan dagaallada si nabad iyo Nolol loo gaaro.
Dhanka kale Guddoomiyaha ayaa sheegay in dhawaan ay si rasmi ah u billaaban doonaan howlaha shaqo ee horyaalla baarlamaanka Hirshabeelle.
