Taliska ciidanka AMISOM ayaa sheegay inay iska caabiyeen weerar culus oo saaka waabarigii Al-Shabaab ku qaadeen saldhig ay ku leeyihiin deegaanka Halgan ee gobolka Hiiraan.
War qoraal ah oo goor dhow la soo dhigay Barta Twitter-ka AMISOM ayaa lagu sheegay in weerar Al-Shabaab ku soo qaadeen xero ay degenaayeen ciidamada AMISOM iyo ciidanka Soomaaliya ay iska difaaceen.
Related posts
โWaxaan idin xaqiijineynaa in isku day weerar ah in Al-Shabaab ku soo qaadeen xero ay degan yihiin AMISOM iyo Ciidamada Soomaalida deegaanka Halgan, Cadawga si guul ah ayaa loo caabiyay, dibna loo celiyayโayaa lagu yiri qoraalka la soo dhigay barta Twitter.
AMISOM ayaa sidoo kale sheegtay inay sii baacsanyanย haraagii kooxihii weerarka soo qaaday oo ku jira baxsad, iyagoo intaa ku daray inay furteen hub fara badan.
Wakaalada Wararka Soomaaliyeed ee SONNA oo soo xiganeysay Taliska AMISOM ee gobolka Hiiraan ayaa sheegtay inay jiraan meydad ka tirsan Al-Shabaab, kuwo nolol lagu qabtay iyo hub fara badan, isla markaana la soo bandhigayo.
Dagaalkii ka dhacay Halgan ayaa ahaa mid aad u xooggan, waxaana ย waxyeelo kala duwan ka soo gaaray Dadka rayidka ah ee ku sugnaa deegaanka.
