Saraakiisha Ciidamada Xoogga dalka ee ka howlgala Gobolka Gedo ayaa faah-faahin ka bixiyay Ammaanka Magaalada Baardheere, iyadoo ay dib usoo laabanayaan adeegyada Bulshada.
Cismaan Macallin Cabdi oo ka mid ah Saraakiisha Ciidamada xoogga dalka ee Gobolka Gedo oo Warasi siiyay Radio Muqdisho ayaa sheegay in magaalada Baardheere ee Gobolka Gedo ay tahay mid aad u wanaagsan isla markaana ciidamada ammaanka ay wadaan Roondooyin lagu ogaanayo xaaladaha amni Darro ee Magaalada ka jira.
“Waxaa dib u soo laabtay safarradii diyaaradaha Duulimaadka ay ku imaan jireen Magaalada Baardheere, adeegyadii Aas Aaska u ahaa bulshada ayaa soo laabtay, Shacabku Aad ayay ugu qanacsanyihiin Xaaladda Magaalada iyo Holwlaha Gobolka Gedo ka socda” Ayuu Yiri Cismaan Macallin
Ciidamada Xoogga dalka oo kaashanaya Shacabka ku nool Gobolka Gedo ayaa wada Qorshayaal lagu ogaanayo xaaladaha Amaanka isla markaana looga hortagayo waxyaabaha keena Amnidarrada.
