Aqoon wadaag ku saabsan tayaynta adeegsiga Af-Soomaaliga ee Warbaahinta , waxbarashada, iyo Maamulka xafiisyada, ayna iska kaashadeen Akadeemiye Goboleedka Afka Soomaaliga iyo Naadiga Qalinleyda Soomaaliyeed ayaa waxaa ka qeyb galay Guddoomiyaha Guddiga dib u eegista ee baarlamaanka, Safiirka Soomaaliya ee dalka Qatar, aqoonyahanno, ardayda iyo marti sharaf kale oo aqoon wadaagga lagu casuumay, kaasi oo lagu qabtay Muqdisho.
Aqoon wadaag ayaa la isku dhaafsaday araah ku aadan sida lagu horumarin karo afka Hooyo, waxaana ka qeyb galayaasha ay soo jeediyeen tallooyin ku aadan siyaasabaha afka Hooyo lagu horumarin karo, waxaana
Cabdinaasir Yuusuf Macalin oo ah Guddoomiyaha naadiga Qalinleyda Soomaaliyeed ayaa xusay in dhankooda ay door weyn ka qaadan doonaan kobcinta afka hooyo.
Guddoomiyaha Akadeemiye Goboleedka Afka Soomaaliga Prof Maxamed Daahir Afrax ayaa tilmaamay in aqoon wadaagan uu qeyb ka yahay xoojinta afka Hooyo iyo tiirarka muhiimka ah ee lagu horumarin karo Af Soomaaliga oo ay ka midyihiin Warbaahinta, Waxbarashada, suugaanleyda iyo Maamulka xafiisyada.
Safiirka Soomaaliya ee dalka Qatar Danjire Cumar Sheekh Cali Idiris ayaa ku baaqay in si wada jir ah loogu hiiliyo afka Hooyo, isla markaana bulshada la baro qiimaha uu afka hooyo u leeyahay.
Guddoomiyaha Guddiga dib u eegista dastuurka ee baarlamaanka Xildhibaan Maryan Cariif Qaasim ayaa hoosta ka xariiqay in akadeemiye goboleedka Afka Soomaaliga uu u taaganyahay horunarimta Afka hooyo, loona baahanyahay in gacan wada jir ah lagu siiyo sidii loogu hiilin lahaa afkeena Hooyo, iyadoo tilmaamtay in hal ku dhigga uu yahay โU HIILI AFKAAGA HOOYOโ
Aqoon wadaag ku saabsan tayaynta iyo adeegsiga Afka Soomaaliga ayaa intii ka qeyb gashay waxa ay si wada jir ah u qireen in Afka hooyo loogu hiilin karo, in Warbaahinta, waxbarashada iyo xafiisyada dowladda ay xoogga saaran horumarinta afka Hooyo, iyadoo madashada lagu soo bandhigay bugag ay ka turjumaya baahida loo qabo afka Soomaaliga.
ย 
Sawir Qaade:- Maxamed Cabdullaahi Maxamed Feereysane
