Iyadoo maanta ay ku beegan tahay sanad guuradii 5-aad ee kasoo wareegtay markii la aas aasay Jaamacadda Galkacyo ayaa maanta waxaa shahaaddooyin la guddoon siiyay Qeybtii labaaad ee ka qalin jabisay jaamacaddaasi.
Ardayda shahaaddooyinka la guddoonsiiyay ayaa gaareysay ilaa 20 arday oo isugu jiray wiilal iyo gabdho, waxaana ka qeyb munaasabadda mas’uuliyiin ka tirsan Galmudug, aqoonyahanno waliidiin iyo marti sharaf kale.
Madaxa jaamacadda Galkacyo Prof C/qaadir Maxamed Shirwac ayaa ugu horeeyn ka hadlay xafladda waxaana uu faah faahin ka bixiyay kulyadaha ay ka qalin jabiyeen ardaydaan, isagoo sheegay in ay ka qalin jabiyeen kulyadaha maamulka iyo dhaqaalaha, cilmiga caafimaadka iyo tiknoolajiyadda/
Wasiir ku xigeenka wasaaradda dhalinyarada iyo isboortiga Dowlad goboleedka Galmudug Saadaq Daahir Mire oo isna madasha ka hadlay ayaa bogaadiyay horumarka waxbarashada ee xiligaan ka jirta Galmudug, isagoona ku boorriyay ardaydii goobta ku sugneeyd in ay sii laba laabaan dadaalkooda waxbarasho si ay ugaaraan yoolka ay higsanayaan.
Intii ay socatay munaasabadda ayaa ardaydii qalin jebisay waxa ay halkaasi abaal marinno ku gudoonsiiyeen macalimiintii wax soo baray iyo madaxweyne ku xigeenkii hore ee Galmudfug mudane Cabdi samad Nuur Guuleed oo isagu sheegay in uu goob joog ka ahaa xiligii la furayay jaamacadda Galkacyo maantana uu aad ugu faraxsan yahay inuu goob joog ka ahaado munaasabadda shahaaddooyinka lagu guddoonsiinayo dufcaddii labaad ee ka qalin jabisa jaamacadda Galkacyo university.
Sawir qaade C/risaaq Maxamed Axmed
