Waalidiin, Aqoonyahano, Macalimiin iyo Mas’uuliyiin kala duwan ayaa ka qeyb galay munaasabad ay ku qalin jabinayeen Dufacadii saddexaad ee ka aflaxday iskuulka Xanaanada ee Axlaam kuwaas oo isugu jira arday xifdisay Quraanka kariimka, kuwa bartay qaabka wax qorida iyo akhriska.
Bashiir Siciid Carab oo ku hadlayay magaca Waalidiinta ayaa aad ugu mahadceliyay maamulka iyo macalimiinta iskuulka Axlaam, kuwaas oo uu ku amaanay qaabka ay carruurtooda u bar baariyeen.
Madaxa waxbarashada ee iskuulka Xaanada ee Axlaam Axmed Cali Jaamac oo isna xafladda ka hadlay ayaa waalidiinta ugu baaqay iney ubadkooda mar walba soo kormeeraan si ay ula socdaan heerkooda waxbarasho.
Guddomiyaha Guud ee iskuulka Xaanada ee Axlaam Yacquub Maxamed Aadan oo gunaanadkii munaasabadda ka hadlay ayaa sheegay in caruurta ay waxabrashada uga soo bilaabaan aasaasiga ayna ku koontaroolaan Hoose ilaa iyo inta ay ka gaaraan heerka dhexe ee waxbarashada.
Gabagabadii xaflada ayaa abaalmarino iyo shahaadooyin lagu gudoonsiiyey 53- arday kuwaas oo noqonaya dufcadii saddexaad ee ka Aflaxda iskuulka Xanaanada ee Axlaam.
