Ardayda Waxkabarata Jaamacadaha Magaalada Muqdisho ayaa qabsaday Shir Wadatashi ah kaas oo diirada lagu saaray sidda dhalinyaradu uga qeyb qaadan karto Amniga.
Arrimaha sidda gaarka ah looga hadlayo waxaa kamida in dhalinyaradu kawadda qeyb qaataan sidii dhalinyarada u heli lahaayeen wacyi galin kaga timaada dhalinyaro kale si-aysan uga qeyb qaadan colaadda iyo nabad galyo daradda.
Dhanka Amniga sidii ay uga qeyb qaadan lahayeen ayey sidoo kale isfaham siinayaan iyaga oo wadajira.
Waxaaย kasoo qeyb galay Ardayda Waxkabarata Jamaacadaha Maagalada Muqdisho si-arrimaha qaarkood xal loogu helo.
Shirka waxaa kala qeyb galay Maareeyaha Golaha Murtida iyo Wacyigalinta Cismaan C/laahi Guure.
“Waxaad heysaan shaqo dhamaanteen inawada sugeysay taas ah in aad ka arrinsaneysaa xaaladda dalka waliba adinka oo meelo kala duwan kala socda”.
Qaar kamid ah Ardayda ayaa sheegay inay muhiimad gaar ah u leedahay Amniga dalka oo wanaagsan, ujeedkooduna yahay inay door aad u wanaagsan ka qaataan Qorshaha sugidda Amniga Magaaalada.
“Waxaa markasta muhiim inoo ah in aan aragno dalkeena oo Amnigiisu sugan yahay taasna sidii aan u sameyn laheyn ayaan hadda kawada tashaneynaaa”.
Sidoo kale Ardaydan waxaa Shirkan u gaarka ah kala soo qeyb galay Arday kale oo dalka dibadiisa wax ku barta kuwaas oo iyana u haya Figrado iyo Talooyin.
Ugu danbeyntii waxaa Shirkan Wadatashiga ah kasoo baxay Qodobo kuwaas oo ay kamid yihiin in Dhalinyaro ka shaqeeyaan nabad galyada iyo in Dhamaan midoobaan Ardayda Waxkabarata Jaamacadaha dalka.
