Wararka naga soo gaaraya Tuulada Busleey Daa’uud oo ka tirsan gobalka Shabeellaha Hoose ayaa sheeaya in Maleeshiyada Aragixisada ah ee Al-Shabaab ay bilaabeen inay Gubaan Guryaha ku yaala Tuuladaasi.
Dad ku sugan Busleey oo la hadlay Warbaahinta Qaranka ayaa u sheegay in Saaka ay ku waabariisteen iyadoo la gubayo Guryahooda, waxaana loo sheegay inay isaga guuraan dhammaan Tuuladaan.
“Haween Caruur iyo Dad waayeelo ah oo aanan Awood lahayn ayaa Guryahooda ka cararay ka dib markii la Gubay, waxaana haatan ay joogaan Geedo Hoos tooda, kuwo kalana waxay isaga baxeen Tuulada.”waxaa sidaa u sheegay Warbaahinta Qaranka qof ku sugan Busleey.
Argagixisada Al-Shabaab ayaanan wax sabab ah aanan u sheegin dadka degan degmada Janaale, kaliya marka laga reebo inay arkeen ayada oo la Gubayo Guryihii ay daganaayen.
Arxan laawayaasha Al-Shabaab ayaa horay waxay dab u soo qabad siiyeen deegaano badan oo ka tirsan Gobalka Shabeellaha Hoose, iyagoo Afduubtay Dad badan oo shacab ah, waxaana sidoo kale ay xoog dadka kaga qaateen Xoolihii ay dhaqanayeen.
